Bæjarstjórn #344

Bæjarstjórn leggur fram eftirfarandi bókun:

Vegna þeirra samgöngutruflana sem orðið hafa síðustu vikur í því erfiða tíðafari sem nú hefur gengið yfir þá vill bæjarstjórn Vesturbyggðar ítreka mikilvægi þess að tryggð séu fullnægjandi framlög til Vegagerðarinnar til að sinna vetrarþjónustu innan sem og utan svæðis. Þá sé Vegagerðinni einnig tryggð framlög fyrir fullnægjandi búnað og tæki til að sinna nauðsynlegri vetrarþjónustu, hvort sem er vegna moksturs eða hálkuvarna. Það er þeirri atvinnustarfsemi sem fer fram á sunnanverðum Vestfjörðum sem og íbúum á sunnanverðum Vestfjörðum nauðsynlegt að samgöngur innan svæðis sem og utan þess séu tryggðar eftir fremsta megni. Þá minnir bæjarstjórn Vesturbyggðar á mikilvægt hlutverk Breiðafjarðarferjunnar Baldurs í tíðafari sem þessu þegar m.a. Klettsháls er lokaður. Hefur Vesturbyggð og Tálknafjarðahreppur í samvinnu við Vegagerðina unnið að því að fjölga ferðum með Baldri, til að bregðast við þeim miklu samgöngutruflunum sem orðið hafa.

Til máls tóku: Bæjarstjóri, Forseti, MÓÓ, ÁS og FM.

Lagt fram bréf atvinnuvega- og nýsköpunarráðuneytisins dags. 30. desember 2019 um úthlutun byggðakvóta til byggðarlaga á fiskveiðiárinu 2019/2020. Úthlutun sem fellur í hlut Vesturbyggðar skv. bréfinu er eftirfarandi:

Bíldudalur 73 þorksígildislestir
Brjánslækur 15 þorskígildislestir
Patreksfjörður 0 þorskígildislestir

Bréfið var tekið fyrir á 15. fundi hafna- og atvinnumálaráðs og lagði ráðið til að farið yrði með úthlutun byggðakvóta til fiskiskipa samkvæmt reglugerð nr. 676/2019 um úthlutun byggðakvóta til fiskiskipa á fiskveiðiárinu 2019/2020, þó með sambærilegum sérreglur og staðfestar voru á síðasta fiskveiðiári 2018/2019.

Til máls tóku: Forseti, MJ, Bæjarstjóri og MÓÓ

Forseti leggur til að tillaga hafna- og atvinnumálaráðs verði staðfest.

Bæjarstjórn Vesturbyggðar samþykkir samhljóða.

Lögð fram til fyrri umræðu skv. 18. gr. sveitarstjórnarlaga nr. 138/2011, 3. breyting á samþykkt um stjórn Vesturbyggðar nr. 371/2014. Með breytingunni er kveðið á um að skipulags- og umhverfisráð taki fullnaðarákvörðun skv. 3. mgr. 4. gr. laga um mat á umhverfisáhrifum nr. 106/2000, um matskyldu framkvæmdar í flokki C. skv. 1. viðauka við lög um mat á umhverfisáhrifum í þeim tilvikum þar sem sveitarfélagið sjálft er framkvæmdaraðili. Tilgangur breytingarinnar er að samræma samþykkt um stjórn Vesturbyggðar við ákvæði laga um mat á umhverfisáhrifum, sem breytt var með lögum nr. 96/2019 og öðluðust gildi 1. september 2019.

Bæjarstjórn samþykkir að vísa 3. breytingu á samþykkt um stjórn Vesturbyggðar nr. 371/2014 til seinni umræðu í bæjarstjórn 19. febrúar 2020.

Lögð fram drög að reglum um styrki vegna menningar-, björgunar- eða íþróttastarfsemi í Vesturbyggð til greiðslu fasteignaskatts skv. 2. mgr. 5. gr. laga um tekjustofna sveitarfélaga nr. 4/1995.

Til máls tóku: Forseti og FM.

Bæjarstjórn Vesturbyggðar samþykkir reglurnar.

Tekin fyrir beiðni Gísla Ægis Ágústssonar um leyfi frá störfum sem aðalmaður í Hafna- og atvinnumálaráði og varamaður í bæjarstjórn til sumarfríis bæjarstjórnar.

Samþykkt samhljóða.

Lögð er fram til kynningar fundargerð 887. fundar bæjarráðs, fundurinn var haldinn 17. desember 2019. Fundargerðin er í 12 liðum.

Til máls tóku: Forseti, MJ, ÞSÓ, MÓÓ og Bæjarstjóri.

Lögð er fram til kynningar fundargerð 888. fundar bæjarráðs, fundurinn var haldinn 7. janúar 2020. Fundargerðin er í 7 liðum.

Lögð er fram til kynningar fundargerð 15. fundar hafna- og atvinnumálaráðs, fundurinn var haldinn 13. janúar 2020. Fundargerðin er í 10 liðum.