Fræðslu og æskulýðsráð #23

Eftir ítarlegt samráð við foreldra barna á skólaaldri á næsta skólaári á Barðaströnd, kennara og skólastjórnendur með aðkomu Ingvars Sigurgeirssonar prófessors, ráðgjafa Vesturbyggðar í skólamálum var tekin sú ákvörðun með hag barnanna að leiðarljósi að þau muni stunda nám með sínum jafnöldrum á Patreksfirði. Keyrt verður daglega á milli, að þeim dögum undanskildum að veður hamli för. Þá daga verður kennt við Birkimelsskóla.

Jafnframt var áveðið að kannað verði hvort grundvöllur sé fyrir því að dagmóðir starfi á Barðaströnd með aðstöðu í Birkimel. Jafnframt verði starfsrækt námsver þar sem nemendur framhaldskóla og háskóla á svæðinu hafi aðstöðu.

Rætt um Skólastefnu Vesturbyggðar. Lögð fram álitsgerð frá Ingvari Sigurgeirssyni varðandi framgang skólastefnunnar.

Fræðslu-og æskulýðsráð Vesturbyggðar samþykkir að Grunnskóli Vesturbyggðar í þeirri mynd sem hann er verði lagður niður og stofnaðir verði tveir sjálfstæðir skólar, Patreksskóli og Bíldudalsskóli sem taka til starfa frá og með næsta skólaári. Birkimelsskóli mun heyra undir Patreksskóla. Eftir sem áður verður mikið samstarf og samvinna milli skólanna. Er þetta gert í samræmi við tillögur í greinargerð með Skólastefnu Vesturbyggðar. Bæjarstjóra er falið að ganga frá stofnun skólanna, sjá um skráningu þeirra hjá þar til bærum aðilum og auglýsa eftir skólastjórum fyrir skólana tvo.

Lagt fram erindi frá Daníel Hansen varðandi skáp undir verðlaunapeninga, bikara og myndir frá Heimi Guðjónssyni sem fæddur er og uppalinn í Króknum á Patreksfirði en stundaði knattspyrnu með KR og hann spilaði einnig með landsliði Íslands í knattspyrnu.
Fræðslu-og æskulýðsráð felur formanni fræðslunefndar til að vera í sambandi við forstöðumann Bröttuhlíðar og bréfritara.

Aðstoðarleikskólastjóri kynnti Læsisstefnu Leikskóla Vesturbyggðar.

Skóladagatal Leikskóla Vesturbyggðar lagt fram. Af fimm starfsdögum eru fjórir starfsdagar samræmdir við Grunnskóla Vesturbyggðar.

Skóladagatal Grunnskóla Vesturbyggðar lagt fram. Af fimm starfsdögum eru fjórir starfsdagar samræmdir við Leikskóla Vesturbyggðar.

Frestað til næsta fundar.

Lagt fram til kynningar erindi frá Sambandi íslenskra sveitarfélaga þar sem vakin er athygli á breytingum á grunnskólalögum.

Lögð fram til kynningar fundargerð Ungmennaráðs Vesturbyggðar.