Hafna- og atvinnumálaráð #2

Erindi frá Guðbjarti Þórðarsyni f.h. Olíuverslunar Íslands. Í erindinu er óskað heimildar til að setja niður olíudælu á flotbryggju við Bíldudalshöfn. Tankurinn er niðurgrafinn og er staðsettur ofan við landgang flotbryggjunnar.

Hafna- og atvinnumálaráð samþykkir að Olíuverslun Íslands verði heimilt að setja olíudælu á flotbryggju Bíldudalshafnar. Staðsetning olíudælu og lagna skal ákveða í samráði við hafnarvörð Bíldudalshafnar.

Davíð Rúnar Gunnarson kom inn á fundinn og fór yfir málefni bláfána verkefnisins. Vesturbyggð hefur verið handhafi bláfána í tveimur höfnum, Bíldudals- og Patrekshöfn undanfarin fjögur ár.

Hafna- og atvinnumálaráð samþykkir að sækja um bláfána fyrir Bíldudals- og Patrekshöfn fyrir 2019.

Davíð Rúnar Gunnarson kom inn á fundinn og kynnti siglingavernd í höfnum Vesturbyggðar.

Erindi frá Guðmundi Þ. Gunnarssyni f.h. Samskipa. Í erindinu eru kynnt áform um áætlunarsiglingar um Bíldudalshöfn sem áætlað er að hefjist 31.okt. Óskað er forgangs á höfninni milli 16:00 og 24:00 alla miðvikudaga, einnig er óskað eftir svæðum undir gáma sem og tæki á og við hafnarsvæði.

Hafna- og atvinnumálaráð tekur jákvætt í erindið og felur hafnarstjóra að ræða við notendur um nýtingu hafnarinnar.

Hafna- og atvinnumálaráð óska eftir nánari kynningu á málinu.

Lagður fram viðauki við fjárhagsáætlun 2018 að upphæð 1.455.000.- kr vegna kaupa á bifreið fyrir Patrekshöfn.

Hafnar- og atvinnumálaráð samþykkir viðaukann.

Hafnar- og atvinnumálaráð felur fundarritara að senda tillögur að sérgreindum verkefnum fjárhagsáætlunar 2019 til bæjarráðs.

Formaður hafna- og atvinnumálaráðs kynnti vinnu við endurskoðun aðalskipulags Vesturbyggðar 2018-2030 og hvatti nefndarmenn til að senda inn tillögur.

Hafna- og atvinnumálaráð leggur til að keyptur verði inn þurrkari, ofn og fleira smálegt í rýmið og kanna hvort samningar séu í gildi um þrif á aðstöðunni.

Farið yfir gjaldskrá hafnasjóðs Vesturbyggðar fyrir uppsátursvæði sem og básabryggju við Patrekshöfn. Hafna- og atvinnumálaráð telur að gjaldtaka á báðum stöðum sé hófleg.

Hafna- og atvinnumálaráð leggur til að farið verði í skipulagningu bílastæða fyrir atvinnustarfsemi á hafnarsvæðum Vesturbyggðar.

Rætt um umgengnismál á hafnarsvæðum Vesturbyggðar.

Hafna- og atvinnumálaráð leggur til að farið verði í allsherjar hreinsunarátak innan sveitarfélagsins, jafnt á hafnarsvæðum sem annarsstaðar. Hafna- og atvinnumálaráð vísar erindinu til skipulags- og umhverfisráðs og óskar eftir samtali/samvinnu um málið.

Lagt fram fundarboð á Hafnarsambandsþing 25.-26. október 2018 sem haldið verður í Reykjavík. Fulltrúar Hafna Vesturbyggðar verða Hafnarstjóri, formaður hafna- og atvinnumálaráðs, forstöðumaður tæknideildar og hafnarvörður Bíldudalshafnar.

Lagt fram til kynningar samstarfsyfirlýsing um framkvæmd vigtunar og eftirlits með löndun sjávarafla milli Hafnarsambands Íslands og Fiskistofu.

Lagt fram til kynningar fundargerð nr. 405 hjá hafnarsambandi Íslands.

Erindinu frestað til næsta fundar af óviðráðanlegum orsökum.