Hoppa yfir valmynd

Skipulags og umhverfisráð #55

Fundur haldinn í Ráðhúsi Vesturbyggðar, 11. janúar 2019 og hófst hann kl. 16:00

Fundinn sátu
  • Barði Sæmundsson (BS) aðalmaður
  • Friðbjörg Matthíasdóttir (FM) aðalmaður
  • Jóhann Pétur Ágústsson (JPÁ) aðalmaður
  • Jóhanna Gísladóttir (JG) aðalmaður
  • Jón Garðar Jörundsson (JGJ) aðalmaður
Fundargerð ritaði
  • Elfar Steinn Karlsson byggingarfulltrúi

Óskar Örn Gunnarsson skipulagsfulltrúi er viðstaddur fundinn í gegnum fjarfundarbúnað.

Almenn erindi

1. Hvestuvirkjun. Ósk um breytingu á deilskipulagi.

Tekið fyrir að nýju erindi Kjartans Árnasonar fh. Jóns Bjarnasonar og Höllu Hjartardóttur, dagsett 10.10.2018. Um er að ræða breytingu á deiliskipulagi Hvestuvirkjunar í Arnarfirði. Meðfylgjandi er lagfærður uppdráttur og greinargerð dagsett 10.10.2018. Breytingin felur í sér að gert er ráð fyrir nýrri stíflu Hvestustíflu 2 og nýju stöðvarhúsi. Stíflan verður 25 m löng og hæsti punktur hennar verður í 18 m.y.s. Byggingarreitur stöðvarhúss verður 50 m2. Uppsett afl virkjunar verður allt að 195 kW.

Óskað var eftir að farið verði með tillöguna sem óverulega breytingu á deiliskipulagi en eftir nánari eftirgrennslan skipulagsfulltrúa þá skal breytingin auglýst sem veruleg breyting á deiliskipulagi.

Skipulags- og umhverfisráð samþykkir tillöguna og beinir því til bæjarstjórnar að hún verði auglýst skv. 41. gr. og hún verði einnig send til umsagnaraðila. Ennfremur er bent á að framkvæmdin fellur undir c-flokk framkvæmda og ber að tilkynna til sveitarfélagsins skv. lögum um mat á umhverfisáhrifum nr. 106/2000.

    Málsnúmer 1811081 2

    Skráðu netfangið þitt og við sendum tilkynningu ef það er skráð fundargerð með þessu málsnúmeri.


    2. Ósk um bráðabirgðaleyfi fyrir steypustöð.

    Erindi frá Jóni Bjarnasyni f.h. Lás ehf. Í erindinu er sótt um tímabundna heimild til að setja niður steypustöð fyrirtækisins á lóðina Hóll lóð 1 sem einnig er í eigu fyrirtækisins. Steypustöðin er í dag staðsett við Strandgötu 10-12, Bíldudal. Staðsetningin er hugsuð til bráðabirðga á meðan unnið verði að uppsetningu á nýrri steypustöð fyrirtækisins sem mun rísa á Járnhól 14-16 og er áætlað að sú stöð verði komin í gagnið haustið 2019.

    Skipulags- og umhverfisráð samþykkir erindið.

      Málsnúmer 1901007

      Skráðu netfangið þitt og við sendum tilkynningu ef það er skráð fundargerð með þessu málsnúmeri.


      3. Seftjörn lóð 1, umsókn um byggingarleyfi.

      Tekið fyrir að nýju umsókn um byggingarleyfi við Seftjörn ásamt tölvupósti frá Skipulagsstofnun sem skipulagsfulltrúi fékk sent í kjölfar fyrirspurnar um málsmeðferð. Umhverfisstofnun hafði áður synjað umsækjenda um framkvæmdir á svæðinu en afturkallaði fyrri ákvörðun sína þann 28.nóvember 2018 en telur jafnframt ekki tækt að veita leyfi fyrir framkvæmd fyrr en búið er að skipuleggja svæðið á grundvelli skipulagslaga.

      Skipulags- og umhverfisráð leggur til við bæjarstjórn að heimilað verði að fara í breytingu á Aðalskipulagi Vesturbyggðar 2006-2018 og að umsækjenda verði heimilað að gera deiliskipulag af svæðinu með vísan í svar Skipulagsstofnunar við fyrirspurn skipulagsfulltrúa um málsmeðferð sem barst með tölvupósti. Ennfremur er bent á að framkvæmdin fellur undir c-flokk framkvæmda og ber að tilkynna til sveitarfélagsins skv. lögum um mat á umhverfisáhrifum nr. 106/2000.

      Ekki er heimilt að veita byggingarleyfi fyrir viðbyggingu fyrr en skipulagsmál eru frágengin og því allar framkvæmdir við viðbyggingu óheimilar.

        Málsnúmer 1809028 2

        Skráðu netfangið þitt og við sendum tilkynningu ef það er skráð fundargerð með þessu málsnúmeri.


        4. Kollsvík, Sjóvörn. Umsókn um framkvæmdaleyfi

        Erindi frá Fannari Gíslasyni f.h. Vegagerðarinnar. Í erindinu er sótt um framkvæmdaleyfi fyrir 80m sjóvörn í Kollsvík framan við fornminjar í landi Láganúps. Um 1100m3 af grjóti úr vegskeringu verður notað í vörnina. Verkefnið er unnið í samráði við Vesturbyggð, Minjastofnun og landeiganda. Umsókninni fylgja yfirlitsuppdráttur sem og afstöðumynd.

        Skipulags- og umhverfisráð samþykkir að skipulagsfulltrúa verði heimilt að veita framkvæmdaleyfi sbr. 13. gr. skipulagslaga nr. 123/2010 þegar samþykki Minjastofnunar liggur fyrir.

          Málsnúmer 1812023

          Skráðu netfangið þitt og við sendum tilkynningu ef það er skráð fundargerð með þessu málsnúmeri.


          5. Fremri Hvesta. Umsókn um stofnun lóðar.

          Erindi frá Guðbjörgu Tómasdóttur f.h. Jóns Bjarnasonar, Hvestu. Í erindinu er sótt um stofnun 3,97ha lóðar úr landi Fremri-Hvestu neðan Andahvilftar. Erindu fylgir lóðarblað.

          Skipulags- og umhverfisráð samþykkir erindið.

            Málsnúmer 1901003

            Skráðu netfangið þitt og við sendum tilkynningu ef það er skráð fundargerð með þessu málsnúmeri.


            6. Hagi, umsókn um stofnun lóðar úr landi Haga, fjarskiptastöð.

            Erindi frá Bjarna S. Hákonarsyni . Í erindinu er óskað eftir stofnun lóðar úr landi Haga(L139802) vegna fjarskiptamasturs sem fyrirhugað er að reisa við Hagavaðal.

            Skipulags- og umhverfisráð samþykkir erindið.

              Málsnúmer 1809041

              Skráðu netfangið þitt og við sendum tilkynningu ef það er skráð fundargerð með þessu málsnúmeri.


              Fleira ekki gert. Fundi slitið kl. 17:46