Skipulags og umhverfisráð #64

Farið yfir mögulegan geymslustað fyrir stálþil sem nota á við framkvæmdir við Bíldudalshöfn.

Skipulags- og umhverfisráð leggur áherslu á að fundinn verði staður innan hafnarsvæðis undir stálþilið.

Sviðsstjóri umhverfis og framkvæmdasviðs kom inn á fundinn.

Sviðsstjóri umhverfis- og framkvæmdasviðs fór yfir tillögur að sérgreindum verkefnum vegna fjárhagsáætlunar 2020.

Skipulags- og umhverfisráð leggur áherslu á að áfram verði unnið að ásýndar- og umhverfismálum í sveitarfélaginu. Sérstök áhersla verði lögð á að unnið verði eftir tillögum í umferðaröryggisáætlunum fyrir þéttbýliskjarnana.

Sviðsstjóri umhverfis og framkvæmdasviðs vék af fundi.

Lagt fram erindi Umhverfisstofnunar vegna flotbryggju sem liggur í fjöru við Flókatóftir Brjánslæk.
Skipulags- og umhverfisráð vísar erindinu áfram til hafna- og atvinnumálaráðs og
beinir því til hafna- og atvinnumálaráðs að flotbryggjan verði fjarlægð eins fljótt og auðið er.

Tekið fyrir afgreiðslubréf Skipulagsstofnunar dagsett 25. janúar 2019, ásamt umsögn Minjastofnunar dagsett 2. október 2019. Fyrir liggja leiðrétt skipulagsgögn þar sem búið er taka tillit til bréfs Skipulagsstofnunar og umsögn Minjastofnunar. Dregist hefur að taka afgreiðslubréfið fyrir þar sem ljúka þurfti viðbótarfornleifaskráningu og húsaskráningu skv. kröfu Minjastofnunar.

Skipulags- og umhverfisráð beinir því til bæjarstjórnar að deiliskipulagið með þeim breytingum sem gerðar hafa verið verði samþykkt og að það verði afgreitt skv. 2 gr. skipulagslaga nr. 123/2010.

Erindi frá Festi dagsett 17.9.2019. Í erindinu er sótt um lóð undir eldsneytisafgreiðslu á svæði neðan við iðnaðarsvæði I3 í gildandi Aðalskipulagi Vesturbyggðar 2006-2018.

Skipulags- og umhverfisráð leggur til við bæjarstjórn að fundin verði lóð fyrir Festi hf. á iðnaðar- og hesthúsasvæði við Járnhól undir eldsneytisafgreiðslu og jafnframt að farið verði í breytingu á Aðalskipulagi Vesturbyggðar 2006-2018 þar sem iðnaðarsvæði verði stækkað að Bíldudalsvegi. Samhliða aðalskipulagsbreytingunni verði einnig farið í breytingu á deiliskipulagi fyrir iðnaðar- og hesthúsasvæði við Járnhól á Bíldudal. Er það í samræmi við þær tillögur sem liggja fyrir í endurskoðun Aðalskipulags Vesturbyggðar 2018-2030 sem og við áður auglýsta tillögu að deiliskipulagi.

Lagt fram til kynningar greinargerð og uppdrættir á vinnslutillögu á endurskoðun Aðalskipulags Vesturbyggðar 2018-2030.

Haldinn verður sérstakur fundur með skipulags- og umhverfisráði um endurskoðunina þann 29. október.

Erindi frá Guðlax ehf. Í erindinu er sótt um lóðina að Hafnarbraut 10A til sameiningar við lóðina að Hafnarbraut 8, Bíldudal. Um er að ræða u.þ.b. 240m2 lóð og hyggst umsækjandi reisa bílskúr á lóðinni.

Skipulags- og umhverfisráð frestar afgreiðslu málsins.

Erindi frá Isavia, dagsett 30. september 2019. Í erindinu er sótt um byggingarleyfi fyrir vélargeymslu við flugvöllinn á Bíldudal.
Um er að ræða 247 fermetra verkstæðishús, burðarvirki úr límtré og veggir og þak úr yleiningum. Meðfylgjandi erindinu er umsóknareyðublað, tilnefning hönnunarstjóra og aðaluppdrættir.

Skipulags- og umhverfisráð samþykkir byggingaráformin og telur ekki vera þörf á grenndarkynningu þar sem það varðar ekki hagsmuni annarra en lóðarhafa og sveitarfélagsins sjálfs.