Sumarið í Vest­ur­byggð

Á Patreks­firði og Bíldudal eru fyrir­taks tjald­svæði með allri nauð­syn­legri þjón­ustu. Þá er líka að finna tjald­svæði í nágranna­sveit­ar­fé­laginu Tálkna­firði. Tjald­svæðin eru almennt opin yfir sumar­tímann.

Vest­ur­byggð stendur fyrir sumar­nám­skeiðum á Patreks­firði og Bíldudal fyrir börn á aldr­inum 7–10 ára. Lögð er áhersla á útivist, fræðslu um umhverfið og íþróttir á námskeið­unum. Nánar má lesa um þau á tengli hér til hliðar.

Á sumrin standa íþrótta- og ungmenna­fé­lögin á svæðinu fyrir öflugu æsku­lýðs­starfi.

Á sumrin lengist þjón­ustu­tími íþróttamið­stöðv­anna á Patreks­firði og Bíldudal auk þess sem laug­arnar á Birkimel og Flóka­lundi opna. Hér fyrir neðan eru upplýs­ingar um sund­laugina á Patreks­firði og Byltu á Bíldudal og hér til hliðar tengill á sund­laugar svæð­isins.

Í Vest­ur­byggð er að finna ýmsa nátt­úrupotta og laugar, og má þar helst nefna sund­laugina í Laug­ar­nesi á Barða­strönd, í Reykja­firði og Hellu­laug við Flóka­lund

Í Vest­ur­byggð og nágrenni er fjöldi safna og sýninga sem miðla mann­lífi, menn­ingu, sögu og náttúru Vest­fjarða. Vestast er minja­safn að Hnjóti í Örlygs­höfn og utar­lega í Arnar­firði má finna lista­verk Samúels Jóns­sonar í Selárdal. Söfnin eru tilvalin áfanga­staður í ísbíltúrum eða helga­ferð – það þarf ekki alltaf að fara langt.

Golf nýtur mikilla vinsælda og í Vest­ur­byggð eru tveir g0lfvellir, að Hóli við Bíldudal og í Vest­ur­botni í Patreks­firði fyrir innan þorpið. Golf er tilvalið fyrir alla fjöl­skylduna og hægt að stunda útivist um leið á björtum sumar­kvöldum.

Í Vatns­firði er að finna margar göngu­leiðir og má finna frekari upplýs­ingar um þær hér til hliðar. Einnig er ýmsar aðrar göngu­leiðir í Vest­ur­byggð og er til dæmis hægt að finna þær á smáfor­ritinu Wapp

Sumarið er tímin fyrir lestur góðra bóka. Hvort sem er heima undir teppi á rign­ing­ar­kvöldi, milli þúfna í útileg­unni eða úti á palli í sólbaði. Þá er gott að þekka þjón­ustu­tíma bóka­safn­anna á Patró og Bíldudal.

Við viljum benda á viðburða­skrá heima­síð­unnar en þar hægt að finna viðburði sem eru á döfinni á svæðinu.