Bæjarráð #963

Hafnarstjóri kom inná fundinn. Farið var yfir þau verkefni sem eru efst á baugi.

Sviðssstjóri umhverfis- og framkvæmdasviðs kom inná fundinn. Farið var yfir þau verkefni sem eru efsta á baugi.

Lagt er fram minnisblað bæjarstjóra, dags. 8. júní 2023, með tillögum að kaupum á leiktækjum á Patreksfjörð og Bíldudal. Óskað er eftir viðauka að fjárhæð kr. 5,3 m.kr

Bæjarráð samþykkir tillöguna og vísar áfram til gerðar viðauka við fjárhagsáætlun 2023.

Lagður fyrir viðauki 3 við fjárhagsáætlun 2023.

Viðaukinn er lagður fyrir vegna breytinga á fjárfestingum ársins.

Bókaðir eru inn styrkir vegna verkefna sem eru styrkt af fiskeldissjóði. Slökkvibifreið, geislatæki, viðbygging við leikskóla og Vatneyrarbúð. Styrkirnir eru samtals 69,2 m.kr.

Færð er viðbótarfjárfesting vegna kaupa á slökkvibifreið uppá 6,6 milljónir vegna breytinga á gengi og lokafrágangs.

Færð er fjárfesting vegna aðgengismála á bæjarskrifstofu uppá 7,8 m.kr og styrkur úr jöfnunarsjóði uppá 3,9 milljónir á móti. Nettó fjárfesting 3,9 milljónir.

Færð er viðbótarfjárfesting í hafnarsjóði uppá 10 milljónir.

Færð er viðbótarfjárfesting vegna kaupa á leiktækjum uppá 5,3 milljónir.

Viðaukinn hefur ekki áhrif á rekstrarniðurstöðu í A og B hluta en handbært fé í A hluta hækkar um 48,1 m.kr og verðu 49 m.kr og handbært fé í A og B hækkar um 43,3 m.kr og verður 67,3 m.kr.

Sviðsstjóri stjórnsýslu- og fjármálasviðs fór yfir rekstur sveitarfélagsins fyrir janúar til apríl.

Lagðar fram reglur um fjárhagsáætlunarferlið 2023 vegna áætlunar 2024 - 2027 ásamt drögum að dagsetningum við vinnu fjárhagáætlunar.

Bæjarráð samþykkir reglurnar og vísar þeim áfram til staðfestingar bæjarstjórnar.

Lagður fram tölvupóstur frá Vestfjarðastofu dags. 26.05 sl. þar sem óskað er eftir að Vesturbyggð skipi tvo fulltrúa í svæðisskipulagsnefnd fyrir Vestfirði.

Bæjarráð skipar Önnu Vilborgu Rúnarsdóttur og Jón Árnason sem fulltrúa Vesturbyggðar í svæðisskipulagsnefnd.

Lagt er fram bréf HMS, dags. 8. mars 2023, varðandi eftirlit með úrbótum vegna úttektar á starfssemi slökkviliðs ásamt stöðu brunavarnaráætlunar.

Bæjarráð felur bæjarstjóra að svara erindinu.

Lögð fyrir beiðni Sýslumannsins á Vestfjörðum dags. 8. júní 2023 um umsögn Friðbjörns Steinars Ottóssonar f.h. Bídludals grænar, félag, vegna tækifærisleyfis fyrir Bæjarhátíðina Bíldudals grænar.

Bæjarráð gerir ekki athugasemd við útgáfu leyfisins.

Farið yfir stöðu á verkefninu Ísland ljóstengt. Lagningu ljósleiðara á Barðaströnd er lokið og að stæðstum hluta í Arnarfirði. Unnið er að langningu ljósleiðara um gamla Rauðasandshrepp í samstarfi við Orkubú Vestfjarða.

Samþykkt var þann 6. mars 2018 á 829. fundi bæjarráðs að innheimta tengigjald af hverri styrkhæfri tenginu uppá 250.000 og 300.000 af sumarhúsum og öðrum stöðum sem ekki fæst styrkur í. Gjaldið hefur ekki verið hækkað síðan þá.

Bæjarráð samþykkir að hækka gjaldið sem nemur hækkun á byggingarvísitölu frá 6. mars 2018.

Lögð fram til kynningar fundargerð 6. og 7. fundar samstarfsnefndar vegna sameiningarviðræðna Tálknafjarðarhrepps og Vesturbyggðar, sem haldnir voru 24 maí og 31. maí 2023.

Lagður fram tölvupóstur dags. 2. júní sl frá forsvarsmönnum umræðuhóps um lausagöngu sauðfjár með andmælum við minnisblað Samb. ísl. sveitarfélaga um ágang búfjár.

Lagður fram tölvupóstur frá stjórn Skógræktarfélags Íslands dags. 22. maí sl. sem sendur var á öll sveitarfélög varðandi skógrækt á Íslandi.

Lögð fram til kynnningar 926., 927. og 928. fundargerð stjórnar Sambands íslenskra sveitarfélaga.

Lagði fram til kynningar samningar við aðila vegna grenjavinnslu 2023.
Tíu aðilar sóttu um veiðar á ref en búið er að úthluta svæðum til átta aðila.
Tveir aðilar hafa ekki fengið samning.
Ekki hefur verið sótt um samning vegna Barðastrandarhrepps, en verið er að vinna að frekari útfærslu vegna þess svæðis.