Bæjarstjórn #387

Bæjarstjóri Vesturbyggðar fór yfir helstu verkefni síðustu vikna.

Til máls tóku: Forseti og bæjarstjóri.

Lagður fyrir til afgreiðslu, viðauki 4 við fjárhagsáætlun 2023. Viðaukinn var tekinn fyrir 970 fundir bæjarráðs þar sem honum var vísað áfram til afgreiðslu í bæjarstjórn. Viðaukinn er lagður fyrir vegna breytinga á fjárfestingum ársins 2023, bæði þar sem vantar auknar heimildir og eins vegna verkefna sem áætlað var að fara í á árinu en mun ekki nást og verður að mestu gert ráð fyrir þeim í fjárhagsáætlun 2024. Fjárfestingar í eignasjóði eru hækkaðar um 39,2 m.kr., fjárfestingar í vatnsveitu eru lækkaðar um 18 m.kr., fjárfestingar í fráveitu eru lækkaðar um 6,5 m.kr. og fjárfestingar í Fasteignum Vesturbyggðar eru lækkaðar um 1,4 milljónir króna. Handbært fé er lækkað um 13,3 m.kr. Viðauki 4 hefur ekki áhrif á rekstrarniðurstöðu í A, né A og B hluta en handbært fé í A hluta lækkar um 39,2 m.kr og verður 9,8 m.kr. Handbært fé í A og B hluta lækkar um 13,9 m.kr. og verður 54 m.kr.

Til máls tók: Forseti.

Bæjarstjórn samþykkir viðaukann samhljóða.

Lagður fram til annarar umræðu viðauki við samning um velferðaþjónsutu á Vestfjörðum vegna aðildar Strandabyggðar að samningnum.

Til máls tóku: Forseti og bæjarstjóri.

Bæjarstjórn samþykkir viðaukann við velferðaþjónstu á Vestfjörðum.

Lagður fyrir í annarri umræðu viðauki við samþykkt um stjórn Vesturbyggðar vegna fullnaðarafgreiðsluheimildar starfsfólks Ísafjarðabæjar í tengslum við samstarf um velferðaþjónustu á Vestfjörðum.

Til máls tók: Forseti.

Bæjarstjórn samþykkir viðauka við samþykkt um stjórn Vesturbyggðar og felur bæjarstjóra að senda í B-deild stjórnartíðinda.

Tekin fyrir umsókn Landsnets, dags. 21.03.2023 um byggingarlóðina að Járnhól 8 þar sem félagið áformar að byggja nýtt tengivirki í tengslum við tvöföldun vesturlínu. Erindið var tekið fyrir og frestað á 382. fundi bæjarstjórnar þann 26.04.2023, á þeim fundi var bæjarstjóra falið að setja sig í samband við umsækjanda vegna veglagningar að lóðinni sem ekki er gert ráð fyrir í fjárhagsáætlun.

Nú er umsóknin lögð fyrir að nýju ásamt ósk Landsnets um bráðabirgðatengingu við Bíldudalsveg nr.62. Erindinu fylgir samþykki Vegagerðarinnar dags. 15.05.2023 ásamt afstöðumynd unna af Eflu, dags. 09.10.2023.

Til máls tók: Forseti.

Bæjarstjórn samþykkir úthlutun Járnhóls 8 til Landsnets hf.

Erindi frá Orkubúi Vestfjarða ohf, dags. 22. september 2023. Í erindinu er óskað eftir lóð undir spennistöð við Þúfneyri í Patreksfirði. Spennistöðin er ætluð til landtengingar fóðurpramma fyrir laxeldi.

Erindinu fylgir mæliblað frá Orkubúi Vestfjarða ohf. er sýnir ósk um staðsetningu.

Skipulags- og umhverfisráð bókað eftirfarandi á 110. fundi sínum þann 11. október 2023:

Skipulags- og umhverfisráð fagnar áformum um landtengingu fóðurpramma í Patreksfirði. Í ljósi þess að Þúfneyri er skilgreind sem útivistarsvæði í aðalskipulagi Vesturbyggðar leggur ráðið til að Orkubúi Vestfjarða ohf. verði úthlutuð lóð á hentugri stað utantil á eyrinni m.t.t. nýtingar á svæðinu. Sjá tillögu ráðsins í fylgiskjölum.

Endanleg staðsetning og lagnaleið skal ákveðin í samráði við sveitarfélagið og þá skal halda raski í lágmarki og vanda frágang eins og kostur er.

Til máls tók: Forseti.

Bæjarstjórn samþykkir að úthluta lóð til Orkubús Vestfjarða ohf. í samræmi við tillögu skipulags- og umhverfisráðs.

Tekin fyrir tillaga að breytingu á deiliskipulagi hafnar- og þjónustusvæðis á Patreksfirði. Tillagan felur í sér skilgreiningu á fjórum íbúðarlóðum við Þórsgötu neðan við Mýrar á svæði sem skilgreint er sem ÍB1 í gildandi Aðalskipulagi Vesturbyggðar 2018-2035.

Skipulags- og umhverfisráð lagði til að í skilmálum verði texta breytt á þá leið að einnig verði heimilt að byggja einbýlishús á lóðunum.

Skipulags- og umhverfisráð og hafna- og atvinnumálaráð lagði til við bæjarstjórn að tillagan fái málsmeðferð skv. 1. mgr. 43. gr. skipulagslaga nr. 123/2010.

Til máls tóku: Forseti og bæjarstjóri.

Bæjarstjórn samþykkir að tillagan fái málsmeðferð skv. 1. mgr. 43. gr. skipulagslaga nr. 123/2010.

Tekið fyrir eftir auglýsingu deiliskipulag fyrir Vesturbotn. Tillagan var auglýst með athugasemdafresti til 21. september 2023. Engar athugasemdir bárust frá íbúum á auglýsingatíma en umsagnir bárust frá Heilbrigðiseftirliti Vestfjarða, Náttúrufræðistofnun Íslands, Umhverfisstofnun, Vegagerðinni, Minjastofnun Íslands og Skógræktinni. Fyrir liggja leiðrétt skipulagsgögn m.t.t. umsagna ásamt samantekt umsagna og viðbragða við þeim.

Skipulags- og umhverfisráð tók málið fyrir á 110. fundi sínum þar sem það lagði til við bæjarstjórn að tillagan fái málsmeðferð skv. 1. mgr. 42. gr. skipulagslaga nr. 123/2010.

Til máls tók: Forseti.

Bæjarstjórn samþykkir að tillagan fái málsmeðferð í samræmi við 1. mgr. 42. gr. skipulagslaga nr. 123/2010.

Lögð fram til kynningar fundargerð 968. fundar bæjarráðs, fundurinn var haldinn 12. september 2023. Fundargerð er í 19 liðum.

Til máls tók: Forseti.

Lögð fram til kynningar fundargerð 969. fundar bæjarráðs, fundurinn var haldinn 26. september 2023. Fundargerð er í 8 liðum.

Til máls tók: Forseti.

Lögð fram til kynningar fundargerð 970. fundar bæjarráðs, fundurinn var haldinn 10. október 2023. Fundargerð er í 17 liðum.

Til máls tók: Forseti.

Lögð fram til kynningar fundargerð 110. fundar skipulags- og umhverfisráðs, fundurinn var haldinn 11. október 2023. Fundargerð er í 5 liðum.

Til máls tók: Forseti.

Lögð fram til kynningar fundargerð 48. fundar velferðaráðs, fundurinn var haldinn 14. september 2023. Fundargerð er í 4 liðum.

Til máls tóku: Forseti og bæjarstjóri.

Lögð fram til kynningar fundargerð 88. fundar fræðslu- og æskulýðsráðs, fundurinn var haldinn 11. september 2023. Fundargerð er í 6 liðum.

Til máls tók: Forseti.

Lögð fram til kynningar fundargerð 53. fundar hafna- og atvinnumálaráðs, fundurinn var haldinn 16. október 2023. Fundargerð er í 6 liðum.

Til máls tók: Forseti.