Málefni MEÓ

Til fundarins mættu undir þessum lið Heiðrún Eva Konráðsdóttir (HEK), Magnús Ólafs Hansson (MÓH) og Björgvin Sigurjónsson (BS).
HEK fór yfir starfið á safninu í sumar. Lagt var fram átta mánaða uppgjör safnsins. Samráðsnefnd óskar eftir við stjórn MEÓ og HEK að fá greiðsluáætlun/þörf til áramóta þ.a. hægt sé að fá samþykkta viðauka við fjárhagsáætlanir sveitarfélaganna með auknu framlagi til Minjasafnsins, á næstu reglulegu fundum sveitarstjórnanna.
HEK lagði fram greinargerð um starfsemina og fór einnig yfir það sem framundan er í vetur mikil skráningarvinna á munum bæði í Rúsínubúð og á safninu sjálfu. Það fékkst styrkur að fjárhæð 1,5 milljón vegna Björgunarafreksins á Látrabjargi, hann verður notaður til að gera þeim atburði hærra undir höfði. Safnið verður 30 ára á næsta ári, sækja þarf um styrki vegna viðburða í tengslum við afmælið. Athuga með styrki til að laga umhverfi safnsins.
Húsnæðismál starfsmanna safnsins voru rædd, ástand Miðgarðs eignahlutur ofl. Stjórn MEÓ falið að skoða þessi mál og koma með tillögu til Samráðsnefndar.

Magnús Ólafs Hansson formaður stjórnar MEÓ og Björgvin Sigurjónsson komu inn á fundinn. Formaður stjórnar fór yfir málefni MEÓ. Samráðsnefnd samþykkir að viðhaldsverkefnum verði forgangsraðað með tilliti til fjárhagsáætlunar. Stjórn MEÓ falið að kanna hvort áhugasamir aðilar vilji eignast gamlan nótabát "Víkingaskipið" með skilyrðum.

Heiðrún Eva Konráðsdóttir, safnvörður MEÓ kom inn á fundinn.
Rætt um málefni MEÓ. Vísað til fjárhagsáætlunar.

Heíðrún Eva Konráðsdóttir, forstöðumaður Minjasafnsins á Hnjóti kom inn á fundinn undir þessum lið.
Lagt fram til kynningar:
-Ný stofnskrá fyrir MEÓ.
-Safnastefna fyrir MEÓ.
-Fjárhagsáætlun fyrir MEÓ 2014.
-Söfnunar-og sýningarstefna fyrir MEÓ.

Fjárhagsáætlun vísað til sveitarstjórna til samþykktar.

Stjórn MEÓ skipa:
Fulltrúar Vesturbyggðar er bæjarráð Vesturbyggðar:
-Friðbjörg Matthíasdóttir
-Ásgeir Sveinsson
-Guðrún Eggertsdóttir
Fulltrúi Tálknafjarðarhrepps úr samráðsnefnd.
-Birna Benediktsdóttir
Fulltrúi afkomenda Egils Ólafssonar á Hnjóti:
-Egill Ólafsson.

Forstöðumaður MEÓ kynnti fjárhagsáætlun ársins 2013 með greinargerð sem lögð var fram til kynningar og rætt um önnur málefni safnsins.

Stjórn og forstöðumaður MEÓ viku af fundi eftir að umræðu um málefni MEÓ lauk.

a. Málefni MEÓ.
Lagt fram drög að ársreikningi Minjasafns Egils Ólafssonar fyrir árið 2013. Rætt um mat á fastafjármunum. Safnstjóra falið að kanna grunn bókunar eignfærslna. Samþykkt að færa út fyrndar kröfur.
Lögð fram endurskoðuð fjárhagsáætlun MEÓ fyrir árið 2014. Endurskoðuð fjárhagsáætlun 2014 með breytingum sem rætt var um á fundinum samþykkt samhljóða.
b. Ársreikningur Styrktarsjóðs heilbrigðisstofana í Vestur-Barðastrandarsýslu (HSP).
Lagður fram ársreikningur styrkarsjóðs HSP fyrir árið 2013. Ársreikningurinn samþykktur samhljóða.
c. Önnur mál.
Skjalavistunarkerfið OneSystem.
Rætt um skjalavistunarkerfi sveitarfélaganna m.t.t. málalykla Þjóðskjalasafnsins.