Skipulags og umhverfisráð #76

Davíð Rúnar Gunnarsson, fulltrúi í Græna teyminu og Geir Gestsson sviðsstjóri umhverfis- og framkvæmdasviðs komu inn á fundinn og fóru yfir aðgerðaráætlun sveitarfélagsins í umhverfismálum vegna umhverfisvottunar sveitarfélaga.

Erindi frá Festi dags. 26.08.2020. Í erindinu eru kynntar hugmyndir að útfærslu eldsneytisafgreiðslu við Járnhól á Bíldudal. Erindinu fylgja teikningar unnar af Verkhof ehf.

Skipulags- og umhverfisráð tekur jákvætt í erindið en áréttar að ætlast er til þess að frágangur verði framkvæmdaraðila til sóma og hugað verði að langtímalausnum við útfærslu á eldsneytisgeymum og lóðarfrágangi. Ráðið kallar eftir fullnaðarhönnun á útliti.

Erindi frá Orkubúi Vestfjarða, dags. 7. september 2020. Í erindinu er sótt um framkvæmdaleyfi fyrir plægingu háspennustrengs frá Sandodda í Sauðlaukadal og að Kvígindisdal. Erindinu fylgir samþykki viðkomandi landeigenda sem og uppdrættir er sýna lagnaleiðina.

Skipulags- og umhverfisráð samþykkir að skipulagsfulltrúa verði heimilt að veita framkvæmdaleyfi sbr. 13. gr. skipulagslaga nr. 123/2010 þegar jákvæð umsögn Minjavarðarliggur fyrir.

Tekið fyrir eftir grenndarkynningu. Samþykkt var á 73. fundi skipulags- og umhverfisráðs að grenndarkynna stækkun lóðar umhverfis Strandgötu 17a á Patreksfirði. Grenndarkynnningin var auglýst 20. júlí með athugasemdafrest til 18. ágúst.

Ein athugasemd barst við grenndarkynninguna og lýtur hún að lóðarmörkum Strandgötu 17a og 19. Gerð er athugasemd við bílastæði sem hafa fylgt Strandgötu 19 og gildandi lóðarleigusamningur kveður á um.

Skipulags- og umhverfisráð samþykkir grenndarkynninguna m.v. innkomnar athugasemdir og felur byggingarfulltrúa að vinna nánari útfærslu lóðarmarka Strandgötu 17a og Strandgötu 19. Jafnframt leggur skipulags- og umhverfisráð til við bæjarstjórn að endurnýjaðir verði lóðarleigusamningar við Strandgötu 17a og Strandgötu 19.

Erindi frá Halldóri Traustasyni og Eydísi Þórsdóttur dags. 5. ágúst. Erindinu var frestað á síðasta fundi ráðsins sem haldinn var 14. ágúst. Í Erindinu er sótt um lóð utan við Bjarkargötu 8, Patreksfirði til byggingar 80m2 bílskúrs. Erindinu fylgir teikning er sýnir fyrirhugaða lóð.

Skipulags- og umhverfisráð hafnar erindinu. Samkvæmt gildandi aðalskipulagi er svæðið skilgreint sem opið svæði og verður framtíðarnotkun svæðisins endurskoðuð í tengslum við vinnu við gerð nýs aðalskipulags sem stendur yfir.

Erindi frá Ólafi J. Engilbertssyni f.h. félags um listasafn Samúels í Selárdal dags. 7. september 2020. Í erindinu er sótt um framlengingu á stöðuleyfi fyrir 40ft gám rétt utan við lóðarmörk Brautarholts í Selárdal. Erindinu fylgir samþykki landeigenda.

Skipulags- og umhverfisráð samþykkir framlengingu á stöðuleyfi til eins árs.

Lögð fram til kynningar endurskoðun Aðalskipulags Vesturbyggðar.