Bæjarráð #930

Lagður fyrir til staðfestingar undirritaður samstarfs- og húsaleigusamningur vegna reksturs Muggsstofu á Bíldudal. Muggsstofa er samfélags- og nýsköpunarmiðstöð á Bíldudal sem hýsir meðal annars félagsstarf aldraðra, starfsemi bóksafns Bíldælinga, þar er aðstaða fyrir störf án staðsetningar og námsmenn. Einnig er þar aðstaða fyrir starfsmenn Vesturbyggðar. Menningar- og ferðamálafulltrúi Vesturbyggðar er með starfsstöð sína í Muggsstofu. Muggsstofa er staðsett í Skrímslasetrinu á Bíldudal, Strandgötu 7.

Bæjaráð staðfestir samninginn.

Sviðsstjóri fjármála- og stjórnsýslusviðs fór yfir vinnu við fjárhagsáætlun 2022-2025. Lögð var fram til kynningar útkomuspá 2021 fyrir rekstur samstæðunnar. Gert er ráð fyrir 30,5 millj.kr. jákvæðri niðurstöðu fyrir reksturinn samkvæmt spánni.

Lögð fyrir viljayfirlýsing um byggingu björgunarmiðstöðvar á Patreksfirði undirrituð á Patreksfirði 9. nóvember 2021. Þeir sem standa að yfirlýsingunni eru Björgunarsveitin Blakkur, Vestubyggð og Heilbrigðisstofnun Vestfjarða.

Aðilar samningsins munu með verkefninu leitast við að sameinast um byggingu nýrrar björgunarmiðstöðvar á Patreksfirði. Í miðstöðinni verði pláss fyrir tæki og búnað björgunarsveitarinnar, slökkviliðs og sjúkraflutninga auk aðstöðu til að geyma annan búnað, búningsklefa og önnur rými sem tilheyra. Hluti stoðrýma verður sameiginlegur með aðilunum þremur. Þá verði í húsinu aðstaða fyrir stjórnun neyðaraðila; svæðisstjórn, aðgerðastjórn og vettvangsstjórn.

Viljayfirlýsingin er undirrituð með fyrirvara um fjármögnun á framkvæmdinni af hálfu allra aðila.

Bæjarráð tilnefnir bæjarstjóra sem sinn fulltrúa í undirbúningsnefnd um verkefnið.

Lögð fyrir umsókn Kvennaathvarfs um rekstrarstyrk að fjárhæð krónur 50.000 fyrir árið 2022.

Bæjarráð samþykkir að veita Kvennaathvarfinu umbeðna styrkupphæð.

Lagður fyrir tölvupóstur dags. 25.10.202 frá félagsmálaráðuneytinu þar sem er óskað eftir því að sveitarfélagið tilnefni tengilið sem fulltrúa sinn vegna innleiðingar laga um samþættingu þjónustu í þágu farsældar barna.

Bæjarráð tilnefnir Arnheiði Jónsdóttur sviðsstjóra fjölskyldusviðs Vesturbyggðar.

Lagt fyrir erindi dags. 27.10.2021 frá umhverfisstofnun þar sem er óskað er eftir tilnefninu tengiliðar og ósk um samstarfi við Vesturbyggð um gerð stjórnunar- og verndaráætlunar vegna friðlýsingar á Látrabjargi.

Bæjarráð tilnefnir Geir Gestsson sviðsstjóra umhverfis- og framkvæmdasviðs Vesturbyggðar.

Lagður fyrir tölvupóstur dags. 27.10.2021 frá Ríkiskaupum þar sem kannaður er áhugi sveitarfélaga að taka þátt í sameiginlegu útboði á slökkvibílum.

Bæjarráð felur bæjarstjóra að vera í sambandi við Ríkiskaup og vísar málinu áfram til vinnu við fjárhagsáætlun 2022-2025.

Lagður fram til kynningar tölvupóstur úrskurðarnefndar umhverfis- og auðlindamála dags. 18. október 2021 þar sem tilkynnt er um stjórnsýslukæru þar sem kærð er ,,ákvörðun sveitarstjórnar Vesturbyggðar, sem tilkynnt var í bréfi til Samgöngufélagsins, dags. 16. september sl., að hafna því að gera ráð fyrir þverun Vatnsfjarðar við norðanverðan Breiðafjörð í tillögu að aðalskipulagi Vesturbyggðar fyrir árin 2018 til 2035."

Lögð fyrir til kynningar fundargerð stjórnarfundar stjórnar BsVest sem haldinn var 24. september 2021. Jafnfrmt eru lagðar fyrir til kynningar verklagsreglur BsVest.

Lögð fyrir til kynningar fundargerð 194. fundar stjórnar Breiðafjarðanefndar sem haldinn var 21. september 2021

Lagt fyrir til kynningar erindi frá Sambandi Íslenskra sveitarfélaga dags. 14.10.2021 ásamt viðmiðunarlaunatöflu kjörinna fulltrúa.

Lagðir fram tölvupóstar dags. 14. október sl. ásamt fylgigögnum frá Heilbrigðiseftirliti Vestfjarða varðandi töku sýna af neysluvatni Patreksfirðinga og Bílddælinga ásamt lokaskýrslu. Sýnin stóðust gæðakröfur.