Bæjarráð #973

Lagt fram frumvarp að fjárhagsáætlun 2024 og 3 ára áætlun 2025-2027.

Bæjarráð vísar frumvarpi að fjárhagsáætlun 2024 ásamt 3 ára áætlun 2025-2027 til seinni umræðu í bæjarstjórn miðvikudaginn 13. desember nk.

Lagðar fyrir gjaldskrár Vesturbyggðar fyrir árið 2024 ásamt minnisblaði sviðsstjóra fjármála- og stjórnsýslusviðs um gjöld vegna meðhöndlunar úrgangs.

Bæjarráð vísar gjaldskrám Vesturbyggðar til seinni umræðu í bæjarstjórn.

Elfar Steinn Karlsson hafnarstjóri sat fundinn undir þessum lið.

Lagður fyrir viðauki 5 við fjárhagsáætlun 2023 ásamt minnisblaði hafnarstjóra. Viðaukinn er lagður fyrir vegna seinkunar á afgreiðslu samgönguáætlunar og óvissu með mótframlag úr hafnabótasjóði. Lagt til að fjármagn sem ætlað var vegna efniskaupa í viðlegukantinn á Bíldudal verði heldur nýtt á árinu 2023 til efniskaupa fyrir nýja flotbryggju á Patreksfirði ásamt viðlegufingrum fyrir flotbryggjuna á Bíldudal.

Viðaukinn hefur hvorki áhrif á rekstrarniðurstöðu né handsbært fé.

Bæjarráð samþykkir viðaukann og vísar honum til bæjarstjórnar til staðfestingar.

Lögð fram tillaga að hlutverki og skipun starfshóps vegna byggingar leik- og grunnskóla á Bíldudal.

Lagt er til að skipaður verði starfshópur vegna byggingar leik- og grunnskóla á Bíldudal og leik- og grunnskólalóðar og að starfshópurinn starfi sem byggingarnefnd vegna framkvæmdanna. Bygging 1. áfanga leik- og grunnskólans á Bíldudal skal framkvæmd á árunum 2024-2025 og frágangur lóðar skal skipt upp í áfanga á árunum 2025-2028.

Í starfshópnum sitja 5 fulltrúar, skipaðir af bæjarráði. Lagt er til að forseti bæjarstjórnar, bæjarstjóri, verkefnastjóri umhverfis- og framkvæmdasviðs, sviðsstjóri fjölskyldusviðs og skólastjóri Bíldudalsskóla séu skipuð í starfshópinn. Bæjarfulltrúi fær greitt fyrir setu í hópnum, seta í hópnum fyrir starfsmenn er hluti af þeirra störfum.

Lagt er til að forseti bæjarstjórnar verði formaður nefndarinnar og verkefnastjóri umhverfis- og framkvæmdasviðs ritari og starfsmaður. Ritari nefndarinnar ritar fundargerði og sendir bæjarráði til kynningar.

Samþykkt samhljóða.

Lögð fyrir drög að uppfærðum samningi milli Fjölbrautaskóla Snæfellinga og Vesturbyggðar vegna framhaldsdeildar FSN á Patreksfirði. Samningurinn er dags. 12.10.2023.

Bæjarráð samþykkir uppfærðan samning milli Fjölbrautaskola Snæfellinga, Vesturbyggðar og Tálknafjarðarhrepps.

Lagður fram tölvupóstur frá BsVest dags.23. nóvember sl. með ósk um að uppgjör BsVest verði miðað við áramótin 2023/2024.

Bæjarráð Vesturbyggðar er samþykkt því að uppgjör BsVest verði miðað við áramótin 2023/2024.

Lagður fram tölvupóstur frá umhverfis- og samgöngunefnd Alþingis dags. 16. nóvember sl. með beiðni um umsögn um frumvarp til laga um Jöfnunarsjóð sveitarfélaga.

Lagður fram tölvupóstur frá matvælaráðuneytinu dags. 14. nóvember sl. með ósk um umsögn um drög að reglugerð um breytingu á reglugerð nr. 540/2020 um fiskeldi.

Lagður fram tölvupóstur frá matvælaráðuneytinu dags. 24. nóvember sl. með ósk um umsögn um sjávarútvegsstefnu og frumvarp til laga um sjávarútveg.

Lagður fram tölvupóstur frá efnahags- og viðskiptanefnd Alþingis dags. 17. nóvember sl. með ósk um umsögn um frumvarp til laga um skatta og gjöld (gistináttaskattur, áfengisgjald o.fl.).

Lagður fram tölvupóstur frá félags- og vinnumarkaðsráðuneytinu dags. 10. nóvember sl. með ósk um umsögn um grænbók í málefnum innflytjenda og flóttafólks.

Lagður fram tölvupóstur frá innviðaráðuneytinu dags. 14. nóvember sl. með ósk um umsögn um reglugerð um breytingu á reglugerð nr. 816/2011 um hafnarríkiseftirlit.

Lagður fram tölvupóstur frá velferðarnefnd Alþingis dags. 24. nóvember sl. með ósk um umsögn um frumvarp til laga um breytingu á barnaverndarlögum, nr. 80/2002, og lögum um félagsþjónustu sveitarfélaga, nr. 40/1991 (reglugerðarheimildir).

Lagður fram tölvupóstur frá innviðaráðuneytinu dags. 21. nóvember sl. með ók um umsögn um skilgreiningu á á opinberri grunnþjónustu.

Lagður fram tölvupóstur frá dómsmálaráðuneytinun dags. 17. nóvember sl. með ósk um umsögn um útlendingalög ( alþjóðleg vernd).

Lagður fram til kynningar tölvupóstur frá Jafnréttisstofu dags. 13. nóvember sl. með ábendingu til sveitarfélaga um mikilvægi kynja- og jafnréttissjónarmiða.

Lagður fram tölvupóstur frá Tálknafjarðarhrepp dags. 15. nóvember sl. þar sem upplýst er um skipan fulltrúa Tálknafjarðarhrepps í undirbúningsstjórn.

Lögð fram til kynnningar 937. fundargerð stjórnar Sambands íslenskra sveitarfélaga.

Lagður fram tölvupóstur frá Sambandi íslenskra sveitarfélaga dags. 17. nóvember sl. til upplýsinga varðandi Grindavík.