Bæjarráð #974

Lagt fram erindi fjármála- og efnahagsráðuneytisins varðandi samkomulag undirritað milli ríkis og sveitarfélaga, þann 15. desember 2023, um breytingu á fjármögnun á þjónustu við fatlað fólk, á þann hátt að hámark útsvars fer úr 14,74% í 14,97%, en tekjuskattur lækkar samhliða á móti.

Óskað er staðfestingar bæjarstjórnar á útsvari 2024, og frestur veittur til 30. desember 2023.

Bæjarráð leggur til við bæjarstjórn hækka álagningahlutfall útsvars fyrir árið 2024 um 0,23% og verði þannig 14,97%, í samræmi við samkomulag undirritað milli ríkis og sveitarfélaga, þann 15. desember 2023, um breytingu á fjármögnun á þjónustu við fatlað fólk, en tekjuskattur lækkað samhliða á móti.

Tillaga undirbúningsstjórnar vegna sameiningar Vesturbyggðar og Tálknafjarhrepps til bæjarstjórnar Vesturbyggðar og sveitarstjórnar Tálknafjarðarhrepps að dagsetning kjördags í sveitarstjórnarkosningum í sameinuðu sveitarfélagi verði 4. maí 2024.

Bæjarráð Vesturbyggðar samþykkir að sveitarstjórnarkosningar muni fara fram í sameinuðu sveitarfélagið 4. maí 2024.

Vísað áfram til bæjarstjórnar til staðfestingar

Lagðar fram til kynningar fundargerðir 1. og 2. fundar svæðisskipulagsnefndar Vestfjarða, en fundir voru haldnir 13. september og 7. október 2023.

Jafnframt lagðar fram til staðfestingar í sveitarstjórn, starfsreglur svæðisskipulagsnefndar Vestfjarða, sem fjallað hefur verið um og þær samþykktar hjá Skipulagsstofnun.

Bæjarráð leggur til við bæjarstjórn að staðfesta starfsreglur svæðisskipulagsnefndar Vestfjarða, sem fjallað hefur verið um og þær samþykktar hjá Skipulagsstofnun.

Fundargerðir lagðar fram til kynningar.

Erindi vísað til bæjarráðs frá 112. fundi skipulags- og umhverfisráðs.

Erindi frá Úlfari B. Thoroddsen, dags. 19. nóvember. Í erindinu eru gerðar athugasemdir við fyrirhugaða staðsetningu spennistöðvar Orkubús Vestfjarða vegna landtengingar fóðurpramma Arnarlax á Þúfneyri, Patreksfirði. Lagt er til í erindinu að stöðin verði felld snoturlega að landslaginu austarlega á eyrinni við brekkuræturnar við slóðann sem liggur niður á eyrina, jafnframt eigi að gera bílastæði, aðstöðu fyrir sjóbaðsfólk og aðra og endurbyggja vegarslóðann, allt í einni heild. Þetta eigi að vera sameiginlegt viðfangsefni Orkubús, Arnarlax og Vesturbyggðar.
Á 112. fundi skipulags- og umhverfisráðs var eftirfarandi bókað:

Skipulags- og umhverfisráð þakkar fyrir erindið og áhuga bréfritara á bættu umhverfi Vesturbyggðar. Skipulags- og umhverfisráð tekur undir með bréfritara, gaman væri að sjá svæðið byggt upp til útivistar. Skipulags- og umhverfisráð vísar erindinu áfram til bæjarráðs og leggur til að tekið verði upp samtal við Arnarlax og Orkubú Vestfjarða varðandi uppbyggingu á Þúfneyri.

Bæjarráð þakkar bréfritar erindið og tekur undir efni þess. Sviðsstjóra umhverfis og framkvæmdasviðs falið vera í sambandi við Arnarlax og Orkubúi Vestfjarða um samstarf um verkefnið.

Lagt fram erindi frá matvælaráðuneytinu dags. 06.12.2023 þar sem kynnt er til samráðs mál nr. 253/2023 - "Frumvarp til laga um lagareldi". Með erindinu er Vesturbyggð
sérstaklega boðið að taka þátt í samráðinu.

Bæjarstjóra falið að vinna umsögn byggða á fyrri umsögnum Vesturbyggðar um stefnumótun lagareldis og senda í samráðsgátt stjórnvalda.

Lagður fram tölvupóstur frá velferðarnefnd Alþingis dags. 27. nóvember sl. með ósk um umsögn um húsnæðisstefnu fyrir árin 2024-2038 ásamt fimm ára aðgerðaáætlun fyrir árin 2024-2028.

Lagður fram tölvupóstur frá félags- og vinnumarkaðsráðuneytinu dags. 27. nóvember sl. með ósk um umsögn um breytingu á lögum um þjónustu við fatlað fólk með langvarandi stuðningsþarfir (reglugerðarheimild)

Lagðar fyrir fundargerðir 1. og 2. fundar undirbúningsstjórnar um sameiningu Vesturbyggðar og Tálknafjarðarhrepps.

Lagður fram tölvupóstur frá umhverfis- og samgöngunefnd Alþingis dags. 27. nóvember sl með ósk um umsögn um sveitarstjórnarlög (fjöldi fulltrúa í sveitarstjórn).

Lagður fram tölvupóstur frá velferðarnefnd Alþingis dags. 28. nóvember sl. með ósk um umsögn um gjaldfrjálsar skólamáltíðir og umgjörð þeirra.

Lagður fram tölvupóstur dags. 30. nóvember sl með ósk um samráð um aðgerðaráætlun - Efling lífrænnar matvælaframleiðslu.

Lagður fram tölvupóstur frá matvælaráðuneytinu dags. 01. desember sl. með ósk um umsögn um áform um frumvarp til laga um breytingu á lögum um Verðlagsstofu skiptaverðs og úrskurðarnefnd sjómanna og útvegsmanna, nr. 13/1998.

Kynnt er sameiginleg umsögn umsögn Vesturbyggðar og Tálknafjarðarhrepps við stefnumótun um uppbyggingu lagareldis.

Lögð fram til kynningar 938. og 939. fundargerðir Sambands íslenskra sveitarfélaga

Lagður fram tölvupóstur frá BsVest dags. 7. desember sl. með uppgjöri vegna útsvars 2020-2022

Lögð fram til kynningar 218. fundargerð Breiðafjarðarnefndar sem haldinn var 18. september sl.

Lagðar fram til kynningar fundargerðir stjórnar BsVest frá 20. og 23.nóvember sl.

Lagt fram til kynningar neysluvatnssýni Patreksfirði og Bíldudal, sem tekin voru 20. nóvember sl. sýnin standast gæðakröfur. Lagt fram til kynningar.