Bæjarstjórn #382

Bæjarstjóri Vesturbyggðar fór yfir helstu verkefni síðustu vikna.

Til máls tóku: Forseti og bæjarstjóri.

Lagður fram til fyrri umræðu ársreikningur Vesturbyggðar og stofnana hans fyrir árið 2022 ásamt endurskoðunarskýrslu. Bæjarfulltrúar hafa fengið kynningu á niðurstöðum ársins 2022 ásamt endurskoðunarskýrslu frá endurskoðanda sveitarfélagins Sigurjóni Arnarsyni.

Til máls tóku: Forseti og bæjarstjóri.

Bæjarstjórn samþykkir samhljóða að vísa ársreikningi 2022 til seinni umræðu.

Erindi frá Eini Steini Björnssyni, dags. 3. febrúar 2023. Í erindinu er sótt um breytta skráningu á Grund, Selárdal. Sótt er um að skráningu eignarinnar sé breytt úr sumarhúsi í íbúðarhús.

Erindið var tekið fyrir á 105. fundi skipulags- og umhverfisráðs þar sem lagt var til við bæjarstjórn að erindið yrði samþykkt.

Til máls tók: Forseti.

Bæjarstjórn samþykkir erindið og felur bygginafulltrúa að gera viðeigandi breytingar á skráningu hússins.

Lagt fyrir erindi frá Landsneti hf. dags. 21. mars 2023. Í erindinu er sótt um byggingarlóðina að Járnhól 8, Bíldudal. Sótt er um lóðina til byggingar tengivirkis Landsnets.

Erindið var tekið fyrir á 105. fundi skipulags- og umhverfisráðs þar sem ráðið lagði til við bæjarstjórn að samþykkja úthlutun lóðarinnar en vakti jafnframt athygli bæjarstjórnar á því að klára þarf veglagningu að lóðinni skv. deiliskipulagi.

Til máls tóku: Forseti og bæjarstjóri.

Bæjarstjórn tekur jákvætt í erindið en telur ekki forsendur til að samþykkja úthlutun lóðarinnar að svo stöddu. Bæjarstjórn frestar ákvörðun málsins og felur bæjarstjóra að setja sig í samband við umsækjanda vegna veglagningar að lóðinni sem ekki er gert ráð fyrir í fjárhagsáætlun.

Tekin fyrir breyting á þéttbýlisuppdrætti Vesturbyggðar 2018-2035 á Bíldudal. Breytingin fjallar um að bætt er við iðnaðarsvæði á þéttbýlisuppdrátt fyrir Bíldudal. Um er að ræða hreinisvirki sem þjóna á íbúðarsvæði ÍB12.

Skipulags- og umhverfisráð leggur til við bæjarstjórn á 105. fundi sínum þann 11.04.2023 að breyting á Aðalskipulagi Vesturbyggðar verði auglýst skv. 2. mgr. 36. gr. skipulagslaga nr. 123/2010.

Til máls tók: Forseti.

Bæjartjórn samþykkir breytingu á Aðalskipulagi Vesturbyggðar 2018-2035 og felur skipulagsfulltrúa að auglýsa tillöguna skv. 2. mgr. 36. gr. skipulagslaga nr. 123/2010.

Tekið fyrir bréf Skipulagsstofnunar dagsett 27. febrúar 2023 er varðar afgreiðslu deiliskipulags íbúðarsvæðis Hóls á Bíldudal. Í bréfinu var gerð athugasemd við að bæjarstjórn auglýsti deiliskipulagið í B-deild Stjórnartíðinda. Deiliskipulagið hafði áður verið auglýst og lagfært m.t.t. fyrri ábendinga Skipulagsstofnunar og breytt á þann hátt að lítið fjölbýli og hreinsivirki voru fjarlægð úr tillögu deiliskipulags. Með þeim aðgerðum samræmdist tillagan ekki ákvæðum Aðalskipulags Vesturbyggðar 2018-2035.

Skipulags- og umhverfisráð tók málið fyrir á 105. fundi sínum þann 11.04.2023 og lagði til við bæjarstjórn að deiliskipulagið yrði auglýst að nýju með hreinsivirki samhliða breytingu á Aðalskipulagi Vesturbyggðar um sama efni. Málsmeðferð verði skv. 1. mgr. 41. gr. skipulagslaga.

Til máls tók: Forseti.

Bæjarstjórn samþykkir að deiliskipulagið verði auglýst að nýju með hreinsivirki samhliða breytingu á Aðalskipulagi Vesturbyggar 2018-2035 um sama efni. Málsmeðferð verði skv. 1. mgr. 41. gr. skipulagslaga.

Fyrir liggur erindi frá Vegagerðinni dagsett 5.04.2023. Í erindinu er óskað eftir breytingu á áður samþykktu framkvæmdaleyfi vegna Bíldudalsvegar um Mikladal. Breytingin felur í sér að vinna efni í burðarlag innan vinnusvæðisins. Heildarmagn þess efnis sem um ræðir er 8.800 m3 og mun nú efnið koma innan vinnusvæðisins með því að breikka skeringu um 6 metra. Áður átti efnið að koma úr námu á Hvalskeri.

Skipulags- og umhverfisráð tók breytinguna fyrir á 105. fundi sínum þann 11.04.2023 og lagði til við bæjarstjórn að breyting á framkvæmdaleyfi yrði heimiluð og fól skipulagsfulltrúa að gera viðbót við gildandi framkvæmdaleyfi sem innifelur þessa skeringu.

Til máls tók: Forseti.

Bæjarstjórn heimilar breytingu á framvæmdaleyfi og felur skipulagsfulltrúa gera viðbót við gildandi framkvæmdaleyfi sem innifelur skeringuna.

Lagður fram til samþykktar viðbætur við lóðarleigusamning Íslenska Kalkþörungafélagsins ehf að Hafnarteig 4 á Bíldudal. Samningurinn er varðandi viðbótarathafnarsvæði til handa Íslenska Kalkþörungafélaginu ehf. í samræmi við Verksmiðjubyggingarsvæðissamning frá 2006.

Hafna- og atvinnumálaráð tók málið fyrir á 48. fundi sínum og lagði til við bæjarstjórn að samningur um viðbætur við lóð Íslenska Kalkþörungafélagsins að Hafnarteig 4 verði samþykktur. Þá lagði ráðið ríka áherslu á að gengið verði snyrtilega um svæðið, þá skulu framkvæmdir vera komnar af stað við uppbyggingu svæðisins innan tveggja ára.

Til máls tók: Forseti.

Bæjarstjórn samþykkir að ofangreindar breytingar verði gerðar á samningi um lóð Íslenska Kalkþörungafélagsins að Hafnarteig 4 og tekur undir áherslur hafna- og atvinnumálaráðs um að gengið verði snyrtilega um svæðið og framkvæmdir verði konnar af stað innan tveggja ára.

Tekin fyrir umsókn Arnalax um breytingu á deiliskipulagi Hafnarsvæðis á Bíldudal dags. 5.4.2023.
Breytingin gengur út að að stækka byggingarreit við Strandgötu 10-12 til þess að koma fyrir stækkun á vatnshreinsistöð. Áformað er að bæta við tveimur 8x2 metra löngum tönkum sem ætlaðir eru til betri hreinsunar frá stöðinni.

Skipulags- og umhverfisráð lagði til við bæjarstjórn að breyting á deiliskipulagi verði grenndarkynnt skv. 2. mgr. 43 gr. skipulagslaga nr. 123/2010. Þá tók hafna- og atvinnumálaráð undir bókun skipulags- og umhverfisráðs og leggur til við bæjarstjórn að breyting á deiliskipulagi verði grenndarkynnt skv. 2. mgr. 43 gr. skipulagslaga nr. 123/2010. Grenndarkynna skal fyrir lóðarhöfum að Hafnarteig 4, Strandgötu 5, 6 og 7.

Til máls tók: Forseti.

Bæjarstjórn samþykkir tillöguna og felur skipulagsfulltrúa að grenndarkynna tillöguna skv. 2. mgr. 43. gr. skipulagslaga nr. 123/2010. Grenndarkynna skal fyrir lóðarhöfum að Hafnarteig 4, Strandgötu 5, 6 og 7.

Lögð fram til kynningar fundargerð 959. fundar bæjarráðs, fundurinn var haldinn 28. mars 2023. Fundargerð er í 24 liðum.

Til máls tók: Forseti.

Lögð fram til kynningar fundargerð 960. fundar bæjarráðs, fundurinn var haldinn 24. apríl 2023. Fundargerð er í 16 liðum.

Til máls tók: Forseti.

Lögð fram til kynningar fundargerð 105. fundar skipulags og umhverfisráðs, fundurinn var haldinn 11. apríl 2023. Fundargerð er í 16 liðum.

Til máls tók: Forseti.

Lögð fram til kynningar fundargerð 48. fundar hafna- og atvinnumálaráðs, fundurinn var haldinn 18. apríl 2023. Fundargerð er í 8 liðum.

Til máls tók: Forseti.

Lögð fram til kynningar fundargerð 27. fundar menningar- og ferðamálaráðs, fundurinn var haldinn 30. mars 2023. Fundargerð er í 2 liðum.

Til máls tóku: Forseti og GE.

Lögð fram til kynningar fundargerð 86. fundar fræðslu- og æskulýðsráðs, fundurinn var haldinn 13. mars 2023. Fundargerð er í 3 liðum.

Til máls tók: Forseti.