Bæjarstjórn #386

Bæjarstjóri Vesturbyggðar fór yfir helstu verkefni síðustu vikna.

Til máls tóku: Forseti og Bæjarstjóri.

Tillaga samstarfsnefndar vegna sameiningarviðræðna Tálknafjarðarhrepps og Vesturbyggðar um að kosning um sameiningu sveitarfélaganna fari fram 9. október 2023 til 28. október 2023 og að kosningaaldur miðist við 16 ár. Einnig leggur samstarfsnefndin til að drög að kjörseðli verði samþykkt og að sameiginlegri kjörstjórn verði falið að ákveða staðsetningu og fjölda kjörstaða, skiptingu í kjördeildir og opnunartíma kjörstaða.

Mál frá 10. fundi samstarfsnefndar vegna sameiningarviðræðna Tálknafjarðar og Vesturbyggðar sem fór fram 23.08.2023.

Til máls tók: Forseti

Bæjarstjórn Vesturbyggðar samþykkir samhljóða tillögu samstarfsnefndar varðandi framkvæmd kosninga um sameiningu Tálknafjarðarhrepps og Vesturbyggðar.

Þórkatla Soffía Ólafsdóttir vék af fundi.

Tekið fyrir erindi frá Oddi Þ. Rúnarssyni, dags. 5. ágúst 2023. Í erindinu er sótt um byggingarlóðina að Urðargötu 21a. Umsækjandi hafði áður fengið úthlutaðri lóðinni að Urðargötu 21b. Á 108. fundi skipulags- og umhverfisráðs var samþykkt að sameina lóðirnar.

Skipulags- og umhverfisráð tók erindið fyrir á 109. fundi sínum þar sem það lagði til við bæjarstjórn að úthlutunin verði samþykkt og sameining lóðanna grenndarkynnt.

Til máls tók: Forseti

Bæjarstjórn samþykkir úthlutun og sameiningu lóðanna og felur skipulagsfulltrúa að grenndarkynna tillöguna skv. 2. mgr. 43. gr. skipulagslaga nr. 123/2010.

Þórkatla Soffía Ólafsdóttir kom aftur inná fundinn.

Tekið fyrir erindi frá Magdalenu Lawicki, dags. 8. ágúst 2023. Í erindinu er óskað eftir endurnýjun lóðarleigusamnings fyrir Túngötu 16, Patreksfirði. Erindinu fylgir nýtt lóðablað unnið af byggingarfulltrúa Vesturbyggðar.

Skipulags- og umhverfisráð tók málið fyrir á 109. fundi sínum þar sem það lagði til við bæjarstjórn að endurnýjun lóðarleigusamningsins verði samþykkt.

Til máls tók: Forseti

Bæjarstjórn samþykkir endurnýjun lóðarleigusamningsins.

Tekið fyrir erindi frá Björgu G. Bjarnadóttur, dags. 2. september 2023. Í erindinu er óskað eftir breytingu á lóðum innan marka Haga, Barðaströnd. Breytingin er eftirfarandi:

Hagi II, L201209. Lóðin var 3ha en verður rúmir 41ha eftir breytingu.
Tungumúli, L223387. Lóðin var 0,7ha en verður 3,2ha eftir breytingu.
Grænhóll 1, L225786. Lóðin var 0,3ha en verður um 1ha eftir breytingu.
Höfði, L218799. Lóðin var 1ha en verður 15,7ha eftir breytingu.

Erindinu fylgja ný mæliblöð.

Skipulags- og umhverfisráð tók málið fyrir á 109. fundi sínum þar sem það lagði til við bæjarstjórn að stækkun lóðanna verði samþykkt.

Til máls tók: Forseti

Bæjarstjórn samþykkir stækkun lóðanna.

Tekin fyrir tillaga að breytingu á deiliskipulagi Langholts-Krossholts, dags. 7. september 2023. Tillagan felur í sér að breyta legu aðkomuvegar um svæðið en áður skilgreint vegstæði þykir ekki ákjósanlegt vegna bleytu. Afmörkun og stærð tveggja lóða breytast með færslu vegarins. Um er að ræða óverulega breytingu á deiliskipulaginu.

Skipulags- og umhverfisráð tók málið fyrir á 109. fundi sínum þar sem það lagði til við bæjarstjórn að tillagan fái málsmeðferð skv. 2. mgr. 43. gr. skipulagslaga nr. 123/2010. Grenndarkynnt verði fyrir lóðarhöfum með lóðanúmerum L221147, L233020, L139840, L139837, L233022 og L221595.

Til máls tók: Forseti

Bæjarstjórn samþykkir að tillagan fái málsmeðferð skv. 2. mgr. 43. gr. skipulagslaga nr. 123/2010. Grenndarkynnt verði fyrir lóðarhöfum með lóðanúmerum L221147, L233020, L139840, L139837, L233022 og L221595.

Tekið fyrir eftir grenndarkynningu óveruleg breyting á deiliskipulagi Selárdals. Breytingin gengur út á að skilgreina stikaða gönguleið frá Brautarholti niður í fjöru í Selárdal. Grenndarkynning var auglýst með athugasemdafresti til 22. júlí 2023. Umsögn Minjastofnunar Íslands liggur fyrir sem gerði ekki athugasemdir við breytingartillöguna.

Skipulags- og umhverfisráð tók málið fyrir á 109. fundi sínum þar sem það lagði til við bæjarstjórn að tillagan fái málsmeðferð í samræmi við 2. mgr. 43. gr. skipulagslaga nr. 123/2010.

Til máls tók: Forseti

Bæjarstjórn samþykkir að tillagan fái málsmeðferð í samræmi við 2. mgr. 43. gr. skipulagslaga nr. 123/2010.

Kynntar eru fundargerðir kjörstjórnar frá 1. fundi sem haldinn var 27. júní sl., 2. fundi sem haldinn var 23. ágúst sl, 3. sem haldinn var 31. ágúst sl. og 4. fundi sem haldinn var 6. september sl.

Til máls tók: Forseti

Lögð fram til kynningar fundargerð 967. fundar bæjarráðs, fundurinn var haldinn 29. ágúst 2023. Fundargerð er í 11 liðum.

Til máls tók: Forseti

Lögð fram til kynningar fundargerð 81. fundar Fasteigna Vesturbyggðar, fundurinn var haldinn 29. ágúst 2023. Fundargerð er í 2 liðum.

Til máls tók: Forseti

Lögð fram til kynningar fundargerð 30. fundar menningar- og ferðamálaráðs, fundurinn var haldinn 31. ágúst 2023. Fundargerð er í 4 liðum.

Til máls tók: Forseti

Lögð fram til kynningar fundargerð 10. fundar Vestur-Botns, fundurinn var haldinn 5. september 2023. Fundargerð er í 2 liðum.

Til máls tók: Forseti

Lögð fram til kynningar fundargerð 52. fundar hafna- og atvinnumálaráðs, fundurinn var haldinn 7. september 2023. Fundargerð er í 4 liðum.

Til máls tók: Forseti

Lögð fram til kynningar fundargerð 109. fundar skipulags- og umhverfisráðs, fundurinn var haldinn 11. september 2023. Fundargerð er í 7 liðum.

Til máls tók: Forseti