Bæjarráð #941

Skipað í ráð og nefndir skv. Samþykktum um stjórn Vesturbyggðar og bókun bæjarstjórnar Vesturbyggðar frá 372. bæjarstjórnar þar sem bæjarráði var falin fullnaðarafgreiðsla skv. 32. gr. samþykkta um stjórn Vesturbyggðar nr. 558/2022 til að skipa í ráð og nefndir Vesturbyggðar.

Skipulags - og umhverfisráð:
Barði Sæmundsson
Jón Garðar Jörundsson
Jóhann Pétur Ágústsson
Friðbjörg Matthíasdóttir
Jóhanna Gísladóttir

Til vara:
Kristján Finnbogason
Véný Guðmundsdóttir
María Ósk Óskarsdóttir
Gunnar Sean Eggertsson
Ásdís Snót Guðmundsdóttir

Samþykkt samhljóða.

Menningar- og ferðamálaráð
Ramon Flaviá Piera
Hjörtur Sigurðsson
Gunnþórunn Bender
María Ósk Óskarsdóttir
Anna Vilborg Rúnarsdóttir

Til vara:
Óskar Leifur Arnarson
Silja Björg Ísafoldardóttir
Iða Marsibil Jónsdóttir
Jón Árnason
Ásgeir Sveinsson

Hafna- og atvinnumálaráð
Guðrún Anna Finnbogadóttir
Jörundur Garðarsson
Valgerður Ingvadóttir
Gísli Ægir Ágústsson
Magnús Jónsson

Til vara:
Þórkatla Soffía Ólafsdóttir
Iða Marsibil Jónsdóttir
Marteinn Þór Ásgeirsson
Valdimar Bernódus Ottósson
Petrína Sigrún Helgadóttir

Samþykkt samhljóða

Samráðsnefnd Vesturbyggðar og Tálknafjarðarhrepps
Skipað fulltrúm bæjarráðs Vesturbyggðar

Samþykkt samhljóða

Fasteignir Vesturbyggðar:
Skipað fulltrúum bæjarráðs Vesturbyggðar

Samþykkt samhljóða

Almannavarnanefnd:
Bæjarstjóri

Samþykkt samhljóða.

Fulltrúar Vesturbyggðar skipaðir í starfshóp um fjölgun hjúkrunarrýma og viðbótarrými fyrir starf eldri borgara við heilbrigðisstofnun Vestfjarða á Patrekfirði.

Í starfshópinn eru skipuð fyrir hönd Vesturbyggðar, Jón Árnason, Þórkatla Soffía Ólafsdóttir og Friðbjörg Matthíasdóttir.

Lagðar fram reglur um fjárhagsáætlunarferlið 2022 vegna áætlunar 2023 - 2026 ásamt drögum að dagsetningum við vinnu fjárhagáætlunar.

Bæjarráð staðfestir reglurnar í umboði bæjarstjórnar Vesturbyggðar.

Lagðar fram rekstrartölur fyrir fyrstu fjóra mánuði ársins. Útsvarstekjur eru yfir áætlun eða um 14% og rekstrartekjur í heild um 11,4% yfir áætlun.
Rekstrargjöld eru á áætlun. Fjármunatekjur og gjöld eru 18% yfir áætlun. Til samanburðar er áætlunartölum skipt niður á mánuði í hlutfalli við raunbókanir ársins 2021. Gert var ráð fyrir því að reksturinn fyrir árið 2022 myndi skila 44 milljónum í hagnað fyrir árið. Skv. niðurstöðum fyrir fyrstu fjóra mánuði ársins er rekstrarniðurstaðan fyrir það tímabil 46,5 milljónir.

Lagður fyrir viðauki 2 við fjárhagsáætlun 2022. Viðaukinn er lagður fyrir vegna kaupa á lyftara fyrir áhaldahús og Patreksfirði. Tækið kostar 10 milljónir og er mætt með lækkun á handbæru fé. Kaupin hafa ekki áhrif á rekstrarniðurstöðu í A og B hluta en handbært fé í A hluta lækkar um 10 milljónir og verður 36,2 milljónir. Handbært fé í A og B hluta lækkar um 10 milljónir og verður 49,9 milljónir.

Bæjarráð staðfestir viðaukann í umboði bæjarstjórnar Vesturbyggðar.

Lögð fyrir ákvörðun Skipulagsstofnunar dags. 27. maí vegna matsskyldu við Ofanflóðavarnir við Stekkjargil og milligil á Bíldudal. Er það niðurstaða Skipulagsstofnunar að fyrirhuguð framkvæmd sé ekki líkleg til að hafa í för með sér umtalsverð umhverfisáhrif, sbr. þau viðmið sem tilgreind eru í 2. viðauka laga um umhverfismat framkvæmda og áætlana. Því skal framkvæmdin ekki háð mati á umhverfisáhrifum.

Með vísan til ákvörðunar Skipulagsstofnunar 27. maí 2022 að fyrirhuguð framkvæmd við ofanflóðavarnir á Bíldudal sé ekki líkleg til að hafa í för með sér umtalsverð umhverfisáhrif skv. 2 viðauka laga um umhverfismat framkvæmda og áætlana nr. 111/2021 og sé því ekki háð mati á umhverfisáhrifum sem og frumathugun ofanflóðavarna í Stekkagili/Gilsbakkagili og Milligili á Bíldudal - annar áfangi frá október 2020.

Óskar sveitarfélagið Vesturbyggð hér með eftir því við ofanflóðanefnd að hafin verði vinna við hönnun ofanflóðavarna á Bíldudal sem allra fyrst. Þá verði framkvæmdinni tryggt nægt fjármagn sem fyrst til að flýta megi framkvæmdum til að tryggja fullnægjandi öryggi fyrir íbúa á Bíldudal gegn ofanflóðum í samræmi við fjármálaáætlun ríkisins sem gerir ráð fyrir að uppbyggingu varnarmannvirkja verði lokið árið 2030.

Engin tilboð bárust í skólamötuneyti á Bíldudal og hefur verið auglýst eftir matráð, umsóknarfrestur rennur út 17. júní nk.

Lagt fyrir erindi stjórnar björgunarsveitarinnar Blakks á Patreksfirði þar sem óskað er eftir auknu framlagi Vesturbyggðar til sveitarinnar.

Bæjarráð vísar erindinu áfram til vinnu við fjárhagsáætlun 2023 - 2026.

Jón Árnason vék af fundi.

Lagt fyrir erindi Westfjords Adventures dags. 11.maí sl. þar sem óskað er eftir auknu framlagi til rekstur upplýsingamiðstöðvar. Westfjords Adventures hefur rekið upplýsingamiðstöð með styrk frá Vesturbyggð sl. fjögur ár og hefur framlagið til rekstursins verið óbreytt 900 þúsund. Óskað er eftir því að styrkurinn verði 1.250 þúsund eða horft verði til hækkunar á vísitölu frá árinu 2018.

Bæjarráð samþykkir að hækka styrkinn sem nemur hækkun á vísitölu.

Jón Árnason kom aftur inná fundinn.

Lagt fram bréf ásamt fylgiskjölum dags. 17. maí 2022 frá Sýslumanninum á Vestfjörðum með beiðni um umsögn vegna umsóknar um gististað í flokk 2 í Pálshúsi Aðalstræti 3, Patreksfirði.

Bæjarráð gerir ekki athugasemd við veitingu leyfisins. Jákvæð umsögn Vesturbyggðar er þó skilyrt þannig að rekstraraðili sýni fram á að hann hafi samið við Kubb ehf. eða aðra sambærilega aðila um förgun á sorpi sem fellur til við starfsemi gististaðarins og gert sé ráð fyrir viðeigandi fjölda bílastæða.

Lögð fyrir beiðni Rósu Hrannar Hrafnsdóttur dags. 9. maí sl. um að fá að reisa lítið gróðurhús á lóð að Kambi, Aðalstræti 4 sem er í eigu Vesturbyggðar.

Bæjarráð samþykkir að að reist verði lítið gróðurhús á lóðinni. Gróðurhúsið er á ábyrgð og reist á kostnað umsækjanda. Gerð er krafa um að frágangur og ásýnd sé góð.

Óskað eftir stuðningi við framleiðslu á fimm þáttum um mat, matargerð, undirbúning og veislur á sunnanverðum Vestfjörðum.

Bæjarráð samþykkir styrkbeiðnina fyrir þáttarröðinni.

Lagt fram til kynningar bréf dags. 4. maí 2022, frá Sambandi íslenskra sveitarfélaga vegna skýrslu velferðavaktarinnar um brotthvarfs úr framhaldsskólum.

Lagt fram til kynningar erindi dags. 5. maí 2022 frá sambandi íslenskra sveitarfélaga þar sem vakin er athygli á lögbundnu framlagi sveitarfélaga til orlofsnefndar húsmnæðra á viðkomandi orlofssvæði.

Lagt fram til kynningar ályktun stjórnar FA, dags. 31. maí 2022, vegna fasteignaskatta á atvinnuhúsnæði.

Lagt fram til kynningar boðun á 67. Fjórðungsþings Vestfirðinga sem haldið var 14. júní sl.

Lögð fram til kynningar beiðni Umhverfis- og samgöngunefndar Alþingis dags. 18. maí 2022 um umsögn um frumvarp til laga um stefnumótandi byggðaáætlun fyrir árin 2022-2036, 563. mál.

Lögð fram til kynningar fundargerð stjórnar Sambands íslenskra sveitarfélaga frá 909. fundi stjórnar.

Lögð fram til kynningar beiðni Velferðanefndar Alþingis dags. 2. maí 2022 um umsögn um frumvarp til laga um atvinnuréttindi útlendinga (einstaklingar sem flytjast til innan viðskiptafyrirtækis), 482. mál.

Lögð fram til kynningar beiðni Velferðanefndar Alþingis dags. 2. maí 2022 um umsögn um frumvarp til laga um sorgarleyfi, 593. mál.

Lagt fram til kynningar bréf reikningsskila- og upplýsinganefndar dags. 5. maí 2022 þar sem minnst er á að með breyting á 20. gr. reglugerðar nr. 1212/2015 var kveðið á um að byggasamlög sameignarfélög, sameiningarfyrirtæki og önnur félagaform sem eru með ótakmarkaðri ábyrgð sveitarfélags, skuli færð inn í samantekin reikningsskil sveitarfélags miðað við hlutafallslega ábyrgð sveitarfélags.

Lagt fram til kynningar bréf til sveitarfélaga dags. 1. júní sl. frá mennta og barnamálaráðherra vegna móttöku barna á flótta frá Úkraínu.

Lögð fram til kynningar fundargerð 2. verkfundur milli Kubbs, Vesturbyggðar og Tálknafjarðarhrepps sem haldinn var 5. maí 2022 lögð. Til aðgreiningar frá fundargerð 1 er viðbótartexti í nýjustu fundargerð bláletrað.

Fundargerð 138. fundar heilbrigðisnefndar Vestfjarða frá 11. maí sl. ásamt bréfi heilbrigðisnefndar til Fjórðungssambandsins lagt fram til kynningar.

Lögð fram til kynningar beiðni Allsherjar- og menntamálanefndar Alþingis dags. 17. maí 2022 um umsögn um frumvarp til laga um útlendinga (alþjóðleg vernd), 595. mál.

Lögð fram til kynningar beiðni Velferðarnefndar Alþingis dags. 18. maí 2022 um umsögn um tillögu til þingsályktunar um framkvæmdaáætlun í málefnum innflytjenda, 592. mál.

Lögð fram til kynningar beiðni Umhverfis- og samgöngunefndar Alþingis dags. 23. maí 2022 um umsögn um frumvarp til laga um skipulagslög (uppbygging innviða), 573. mál.

Lögð fram til kynningar beiðni Umhverfis- og samgöngunefndar Alþingis dags. 23. maí 2022 um umsögn um frumvarp til laga um sveitarstjórnarlög (íbúakosningar á vegum sveitarfélaga), 571. mál.

Lögð fram til kynningar umsókn Vesturbyggðar dags. 27. maí sl. til Vegagerðarinnar um að unnin verði hönnun og í framhaldi framkvæmdir á sjóvörnum við Yxnahamar Patreksfirði.

Lagður fram til kynningar ársreikningur Náttúrustofu Vestfjarða fyrir árið 2021.